Hashim Thaçi i ofron “Kthimit” biseda në nivelin më të lartë

[Beqari002]

Kryeministri serb shprehet se pavarësia e Kosovës nuk parashikohet në asnjë dokument ndërkombëtar

Zhivkoviç: Kosova pjesë e Serbisë

Kryeministri serb, Zoran Zhivkoviç, deklaroi për mediat gjermane se Kosova është pjesë e Serbisë dhe kjo nuk varet prej mëshirës evropiane apo amerikane. Në një intervistë, dhënë revistës gjermane “Der Spiegel”, Zhivkoviçi hodhi poshtë çdo mundësi që Kosova të bëhet shtet i pavarur, duke shtuar se kjo nuk parashikohet në asnjë dokument ndërkombëtar. Kryeministri serb tha se tani nuk është momenti ideal për hapjen e negociatave për statusin përfundimtar të Kosovës. Zhivkoviçi akuzoi bashkësinë ndërkombëtare, e cila, sipas tij, nuk ka plotësuar as një të tretën e obligimeve në fushën e sigurisë në Kosovë. "Situata në Kosovë është e papranueshme dhe shqiptarët janë ata, të cilët, me ndihmën e bashkësisë ndërkombëtare, po destabilizojnë Kosovën",- theksoi Zhivkoviçi.
Vetëm tri ditë më parë, në një takim të ministrit të Mbrojtjes, Pandeli Majko me sekretarin amerikan të Mbrojtjes, Donald Ramsfeld, u deklarua se pavarësia e Kosovës nuk është një mundësi, por është e vetmja zgjidhje për çështjen e saj. Deklarata e Majkos është e para e një qeveritari shqiptar, që shprehet hapur për opsionin e pavarësisë, ndërkohë që deri tani linja e Tiranës zyrtare ka qenë ajo e vetëvendosjes si dhe e bashkëpunimit me faktorin ndërkombëtar.

-------------------------
----------------------------
Oj sharki e lehte si era , a ka ardhur ne Shqiperi pranvera?

[Llapi]

Pas miratimit të Rezolutës në Kuvend për njohjen e luftës çlirimtare

Serbët ngrijnë “marrëdhëniet”me PDK-në

Mendohet se miratimi i rezolutës është vetëm shkas që e shfrytëzuan serbët
për t'i ikur ballafaqimit të fakteve për të vërtetën e Kosovës, sepse, fundja,
nuk ishte vetëm PDK-ja e Thaçit që mbështeti rezolutën për UÇK-në, por i tërë Kuvendi i Kosovës


SH. KRASNIQI
Prishtinë, 19 maj - Deputetët e koalicionit
serb "Povratak" në Kuvendin e Kosovës kanë
ngrirë të gjitha kontaktet me përfaqësuesit e
Partisë Demokratike të Kosovës (PDK), e cila
para disa ditësh bëri thirrje për fillimin e dialogut
dhe inicimin e bisedimeve të mëvonshme
në nivel më të lartë, duke përfshirë edhe
dialogun në mes Beogradit dhe Prishtinës.
Një qëndrim i tillë i deputetëve serbë në
Kuvendin e Kosovës pasoi pas miratimit të
rezolutës në Kuvend për njohjen e vlerave të
luftës çlirimtare të popullit të Kosovës.
"Nuk mendojmë për bisedime me partinë e
Hashim Thaçit në këtë moment", deklaroi për
agjencinë serbe të lajmeve Beta një zyrtar i
koalicionit "Povratak".
Përfaqësuesit e këtij koalicioni mendojnë se
"rezoluta e miratuar do të radikalizojë marrëdhëniet
brenda Kuvendit, si në mes grupeve të
deputetevë serbë e shqiptarë, ashtu edhe në
mesin e vetë shqiptarëve".
Me qëndrimet e fundit të deputetevë serbë
janë njohur edhe zyrtarët e misioneve të huaja
diplomatike në Prishtinë. Mendohet se miratimi
i rezolutës është vetëm shkas që e shfrytëzuan
serbët për t'i ikur ballafaqimit të fakteve
për të vërtetën e Kosovës, sepse, fundja, nuk
ishte vetëm PDK-ja e Thaçit që mbështeti
rezolutën për UÇK-në, por i tërë Kuvendi i
Kosovës, përfshirë pakicat, pos serbëve. Vallë,
çfarë do të deklarojë kjo pakicë nëse së shpejti
shpallet edhe pavarësia e Kosovës nga po i
njëjti Kuvend?
epoka